DVD-speler

DVD-spelers is ontwikkel om rolprente, wat op DVD-video's gestoor is, te speel. DVD-spelers is steeds versoenbaar met CD-spelers en is dus ook geskik om oudio-CD's te speel. Huidige spelers kan ook 'n aantal spesiale formate soos Video-CD en Super-Video-CD lees, wat op die CD-kompakskyf baseer en as alternatiewe stoormedia vir foto's en gekomprimeerde rolprente dien.

Aangesien verbruikers die voorkeur gee aan universele spelers, groei die aantal formate wat op 'n moderne DVD-speler gelees kan word en sluit nou gewilde kodeks soos MP3 en Windows Media Audio (WMA) vir musiek en DivX, XviD, MPEG-4 en Windows Media Video vir video-toepassings in.

Meer gesofistikeerde spelers kan danksy die laaste generasie van analoog-na-syfer-omsetters vir oudio- en videogegewens 'n baie realistiese kwaliteit van beeld en klank bemeester. In 2005 is DVD-Oudio, Super Audio CD en die hoë-resolusie-herberekening van gewone DVD-videogegewens standaard by die uitstalklas van DVD-spelers. Die Kanadese vervaardiger Classé Audio bied in Junie 2005 die eerste DVD-Video/DVD-Oudio/CD-speler aan wat alle HDTV-resolusies kan weergee.

DVD-spelers is tans beskikbaar as

• standaardspeler,
• draagbare speler met of sonder LCD-vertooneenheid,
• ingeboude speler vir motor of koelkas.